અમદાવાદ, તા.૨૭,દેશની ટોચની
આઈઆઈટી, એન્જી. કોલેજમાં પ્રવેશ મેળવવા માટે લેવામાં આવતી જેઈઈની
પરીક્ષાને ગણતરીના દિવસો જ બાકી રહ્યા છે ત્યારે સેન્ટ્રલ બોર્ડ ફોર
સેકેન્ડરી એજ્યુકેશન દ્વારા જેઈઈની પરીક્ષા આપી રહેલ ઉમેદવારો જે પરીક્ષા
માટે જરૂરી ક્વોલીફીકેશનના ડોક્યુમેન્ટસ સાથે લઈને આપવવાનું ફરમાન
જાહેર કર્યું છે. આ ડોક્યુમેન્ટસ વિદ્યાર્થીઓએ પરીક્ષા સેન્ટર પર સબમીટ
કરાવવાના રહેશે. દેશની ટોચની આઈઆઈટી અને એન્જીનીયરીંગ કોલેજોમાં પ્રવેશ
માટે ફરજીયાત જેઈઈની પરીક્ષા આગામી ૬ એપ્રિલે દેશના ૧૫૦ શહેરોમાં લેવામાં
આવનાર છે ત્યારે સેન્ટ્રલ બોર્ડ ફોર સેકેન્ડરી એજ્યુકેશને આ
વિદ્યાર્થીઓને ઝટકો આપતા જેઈઈની પરીક્ષા સમયે ઉમેદવારોને પરીક્ષાના
ક્વોલીફાયડ ડોક્યુમેન્ટ તરીકે ધોરણ-૧૨ના ડોક્યુમેન્ટની કોપી લાવવાનું
ફરમાન જાહેર કર્યું છે. સીબીએસઈ ક્લવોલીફાઈંગ પરીક્ષા આપનાર વિદ્યાર્થીઓ
માટે ત્રણ ક્રાઈટેરીયા નક્કી કર્યા છે. આ ક્રાઈટેરીયા સીબીએસઈએ પોતાની
વેબસાઈટ ઉપર પણ મુક્યા છે. જેને ડાઉનલોડ કરવામાં વિદ્યાર્થીઓને કોઈ
સમસ્યા નડતી હોય તો વિદ્યાર્થીઓ સવારે ૧૦:૦૦ થી સાજના ૫:૩૦ કલાક દરમ્યાન
સીબીએસઈની હેલ્પલાઈન પર ફોન કરીને માહિતી મેળવી શકશે. નવા ક્રાઈટેરીયા
મુજબ ધોરણ-૧૨મું પાસ કરી ચુકેલ વિદ્યાર્થીઓ જો ૨૦૧૪માં બારમાં ધોરણની
પરીક્ષા આપી નથી તો તેમના માટે અગાઉની ધોરણ-૧૨ની ફાઈનલ માર્કશીટ પરીક્ષા
સ્થળે ફરજિયાત લાવવાની રહેશે જ્યારે જે વિદ્યાર્થીઓએ ગત વર્ષે ધોરણ-૧૨ની
પરીક્ષા આપી હતી પરંતુ તમામ વિષયોમાં પાસ થઈ શક્યા નથી તેવા વિદ્યાર્થીઓએ
વર્ષ ૨૦૧૪ની ધોરણ-૧૨ની પરીક્ષાની હોલ ટિકિટની કોપી પરીક્ષા સ્થળે લાવવાની
રહેશે, જ્યારે જે વિદ્યાર્થીઓએ વર્ષ ૨૦૧૪માં પહેલીવાર ધોરણ-૧૨ની પરીક્ષા
આપી છે, તેવા વિદ્યાર્થીઓએ ધોરણ-૧૨ના એડમિશન કાર્ડ અને ધોરણ-૧૨ની પરીક્ષાની
હોલ ટિકિટ પરીક્ષા સ્થળે લાવવાની રહેશે. આ ઉપરાંત પરીક્ષા સ્થળે હોલ
ટિકિટ ડોક્યુમેન્ટની કોપી સબમીટ કરતા પહેલા ડોક્યુમેન્ટની જમણી બાજુ પર
જેઈઈ પરીક્ષાનો રોલ નંબર લખવાનો રહેશે ત્યારબાદ જ ડોક્યુમેન્ટને
ઈનવિજીલેટરને સબમીટ કરાવવાના રહેશે.
૨૧મી સદી એ જ્ઞાનની સદી છે.દરેક માહિતીને વિક્સવા માટે માધ્યમની જરૂર પડે છે. માહિતીક્રાંતિ ' માં સારસ્વત મિત્રોનું હાર્દિક સ્વાગત છે.