ગ્રાન્ટેડ સ્કૂલના કર્મીઓની ઉચ્ચતર પગારધોરણની 6000 ફાઈલ પેન્ડિંગ
| ||
નવગુજરાત સમય > અમદાવાદ
| ||
શિક્ષણ વિભાગના બિનસરકારી અનુદાનિત શાળાના કર્મચારીઓને એપ્રિલ-૨૦૧૫થી ઉચ્ચતર પગાર ધોરણ મેળવવા માટેની પ્રક્રિયા જે અગાઉ દરેક જિલ્લા મથકે લોકલ ફંડ કચેરીમાં થતી હતી તેને એકત્રિકરણ કરીને પે વેરિફિકેશન યુનિટ ગાંધીનગર ખાતે કરી દેવાયું છે. આ ફેરફાર બાદથી ઉચ્ચતર પગારધોરણ મેળવવા માટેની કામગીરીમાં અતિશત વિલંબ થાય છે. હાલમાં પે વેરીફિકેશન યુનિટમાં છ હજારથી વધુ ફાઈલો પેન્ડિંગ પડી છે. અગાઉ લોકલ ફંડ કચેરીમાં આ કામગીરી ૨૫થી ૩૦ દિવસમાં પૂર્ણ થઈ જતી હતી. પરંતુ હવે આ કામગીરી માટે ૬થી ૮ માસ જેટલો સમય લાગી જાય છે. પે વેરિફિકેશન યુનિટ દ્વારા જુદાજુદા મુદ્દાઓ ઉપસ્થિત કરી વાંધા કાઢવામાં આવે છે. જેવા કે હિન્દી અથવા ગુજરાતી વિષય સાથે ધોરણ-૧૦ની સમકક્ષ પરીક્ષા પાસ કરેલી હોવી જોઈએ. માત્ર સરકારી કર્મચારીઓ માટે આ નિયમ અમલમાં હોવા છતાં બિનસરકારી અનુદાનિત સ્કૂલના કર્મચારીઓને પણ ફરજિયાત પાસ કરવાનું જણાવી ઢગલાબંધ ફાઈલો પેન્ડિંગ રાખવામાં આવી છે. જ્યારે ઘણા કર્મચારીઓનું આ પરીક્ષા પાસ કર્યા વગર પે વેરીફિકેશન યુનિટ દ્વારા ફિક્સેશન થઈ જતું હોઈ તેમાં ભ્રષ્ટાચાર થતો હોવાનું જણાય છે. નાગરિક અધિકારપત્ર જે શિક્ષણ વિભાગ તથા સરકારના અન્ય વિભાગમાં અમલમાં છે અને તેમાં ફાઈલોનો નિકાલ કેટલા દિવસમાં કરવામાં આવશે તેની મુદ્દત પણ જણાવેલી હોય છે. જેમાં તમામ ફાઈલોના નિકાલની મર્યાદા ૧૫થી ૨૦ દિવસની નિશ્ચિત હોવા છતાં ૨થી ૩ માસ સુધી ફાઈલો જિલ્લા શિક્ષણાધિકારી કચેરીમાં અને તેટલાથી વધુ સમય પે વેરિફિકેશન યુનિટમાં પડી રહે છે. આ મુદ્દાઓને લઈ અમદાવાદ શહેર માધ્યમિક અને ઉચ્ચતર માધ્યમિક વહીવટી સ્ટાફ ફેડરેશનના પ્રમુખ યોગેશ મિશ્રાએ મુખ્યમંત્રી, શિક્ષણમંત્રી, મુખ્ય સચિવ સહિતના અધિકારીઓને પત્ર લખ્યો છે. |
૨૧મી સદી એ જ્ઞાનની સદી છે.દરેક માહિતીને વિક્સવા માટે માધ્યમની જરૂર પડે છે. માહિતીક્રાંતિ ' માં સારસ્વત મિત્રોનું હાર્દિક સ્વાગત છે.